ᐃᓚᐃᓇ ᑰᐳ
ᐃᑲᔪᖅᑎ
ᐃᓚᐃᓇ ᑰᐳ ᐃᖃᓗᒻᒥᐃᑕᖅ ᐃᓐᓂᕐᕕᒻᒥ ᐃᖅᑲᓇᐃᔭᖅᓯᒪᓕᖅᑐᖅ ᐊᕐᕌᒍᒐᓴᓐᓂᒃ ᐊᓪᓚᑦᑎᐅᓪᓗᓂ/ᑐᑭᓯᓇᖅᑐᓕᐊᑦᓴᓂᒃ ᐊᐅᓚᑦᑎᔨᐅᓪᓗᓂ, ᑲᑎᒪᔨᓄᑦ ᑮᓇᐅᔭᓕᕆᓂᕐᒧᓪᓗ ᑎᑎᕋᖅᑎᐅᓪᓗᓂ, ᐊᒻᒪᓗ ᑐᓵᔾᔪᑎᓄᑦ ᐋᖅᑭᑦᓱᐃᔨᐅᖃᑕᐅᓪᓗᓂᓗ. ᐃᓚᖓᓂᑦ ᐃᖅᑲᓇᐃᔭᖅᑎᐅᓪᓗᓂ ᖃᕋᓴᐅᔭᑎᒍᑦ ᑕᑯᒥᓇᖅᓯᑎᑦᑎᓂᕐᒥᒃ ᐃᓕᓴᓚᐅᖅᑐᖅ ᐅᓄᖅᓯᑎᑦᑎᔭᕆᐊᖃᖅᐸᒃᑐᑦ ᓴᙱᒃᑎᒋᐊᖅᑐᒋᑦ ᐱᔨᑦᑎᕐᓂᒃᑯᑦ.
ᐃᓕᓐᓂᐊᕐᕕᐊᓗᒻᒦᑦᑕᕇᕋᒥ, ᐸᐃᕆᕕᒻᒧᑦ ᐃᓕᓐᓂᐊᖅᑎᑦᓯᔨᐅᓚᐅᖅᑐᖅ ᕿᑐᕐᖏᐅᖅᐸᓪᓕᐊᓯᓐᓈ. ᑕᓪᓕᒪᓂᒃ ᕿᑐᕐᖓᓕᒃ, ᐱᖓᓱᑦ ᓂᕕᐊᖅᓯᐊᑦ ᒪᕐᕉᓪᓗ ᓄᑲᑉᐱᐊᒃ. ᐊᐃᑉᐸᖓ ᔭᐃᒥᓯ ᐃᖅᑲᓇᐃᔭᖅᐸᑦᑐᖅ ᐊᐅᓚᐅᑎᓕᕆᔨᐅᓪᓗᓂ ᐊᓯᕙᖅᑎᐅᓪᓗᓂᓗ.
ᐃᓚᐃᓇ ᐅᑲᓕᖅ ᖃᐅᔨᒪᔭᐅᕙᒻᒥᔪᖅ ᐃᓄᑦᑎᑐᑦ ᐊᑎᕐᒥᓄᑦ, ᐱᔭᑦᓴᖃᖅᐸᑦᑐᖅ ᐊᖏᕐᕋᒥᓂ ᐃᖅᑲᓇᐃᔭᕐᕕᖓᓂᓪᓗ ᓱᓕ ᖁᕕᐊᒋᔭᒥᓂᒃ ᐊᑐᕈᓐᓇᐸᑦᑐᖅ. ᖁᕕᐊᒋᔭᓕᒃ ᓂᖅᑎᐅᕆᐊᑦᓴᖅ ᐆᑦᑎᔭᕆᐊᑦᓴᕐᓗ, ᓂᑦᓯᑦᑕᕆᐊᑦᓴᖅ, ᐊᓯᕙᕆᐊᑦᓴᖅ ᐅᐱᕐᖏᓂᕐᓗ. ᑎᑭᓴᕐᕕᐅᒐᔪᑦᑐᖅ ᓇᓴᑦᓴᓂᒃ ᑲᐃᒃᓂᓪᓗ ᐊᖏᕐᕋᒥᓂ.